+7 (707) 350 02 20
Астана қаласы бойынша Мемлекеттік кірістер департаменті салық төлеушілердің белгілі бір шарттар орындалған жағдайда салық есептілігін тапсыру мерзімін ұзартуға құқылы екенін еске салады.
Мерзімді ұзарту үшін салық төлеуші заңмен белгіленген есептілік мерзімі аяқталғанға дейін тіркелген орны бойынша салық органына хабарлама жіберуі тиіс. Есептілік тек электрондық түрде — eGov порталы немесе салық төлеушінің кабинеті арқылы ұсынылуы керек. Хабарламаны қағаз түрінде де жіберуге болады.
Салық есептілігін тапсыру мерзімі келесі жағдайларда ұзартылуы мүмкін:
-
корпоративтік немесе жеке табыс салығы бойынша — 30 күнге дейін
-
басқа салықтар мен төлемдер бойынша — 15 күнге дейін
-
төмен тәуекел деңгейі бар салық төлеушілер үшін — 30 күнге дейін
Жоғары тәуекел деңгейі бар салық төлеушілерге, арнайы салық режиміндегі ЖК-ден басқа, мерзім ұзарту құқығы берілмейді. Сондай-ақ бұл мүмкіндік тауарларды әкелу және жанама салықтарды төлеу туралы өтініштерге қолданылмайды.
Назар аударыңыз, мерзімді ұзарту тек есептілікті тапсыруға қатысты. Салықтар мен төлемдерді төлеу мерзімдері өзгермейді.
Мерзімді әскери қызмет өткеріп жүрген азаматтар үшін ерекше тәртіп қарастырылған. Олардан хабарлама жіберу талап етілмейді — есептілік мерзімі әскери қызмет мерзімі біткенше автоматты түрде ұзартылып, қызмет аяқталғаннан кейін 60 күн ішінде декларация тапсырылады.