+7 (707) 350 02 20
2025 жылдың 1 қаңтарынан 31 желтоқсанына дейін Қазақстан азаматтары жеке табыс салығын (ЖТС) есептеу кезінде салықтық шегерімдерді қолдана алады. Бұл құқық Салық кодексінде көзделген.
Жалпы салықтық шегерім – айына 14 АЕК (жылына 168 АЕК). Әлеуметтік осал санаттағы азаматтар үшін шегерім көлемі – жылына 882 АЕК. Көпбалалы отбасылар үшін – жылына 282 АЕК-ке дейін.
Қолдануға болатын шегерім түрлері:
-
міндетті зейнетақы жарналары бойынша;
-
міндетті әлеуметтік медициналық сақтандыру жарналары бойынша;
-
ерікті зейнетақы жарналары бойынша;
-
оқу шығындары бойынша – жылына 118 АЕК-ке дейін;
-
медицина шығындары бойынша – жылына 118 АЕК-ке дейін;
-
ипотекалық сыйақылар бойынша – жылына 118 АЕК-ке дейін.
Азаматтар бұл шегерімдерді жылдық кіріс пен мүлік туралы декларация тапсырған кезде өз бетінше қолданады. Дегенмен, жыл ішінде алдын ала шегерім сомасын (жылына 282 АЕК-ке дейін) салық агентіне растаусыз мәлімдеме арқылы көрсетуге болады.
Қабылданған Заңға сәйкес, азамат алдын ала шегерім көлемін айына 23,5 АЕК немесе жылына 282 АЕК ретінде анықтап, шегерім қалдығын келесі айларға ауыстыра алады.
Көпбалалы отбасындағы бір ата-ана үшін шегерім – айына 23,5 АЕК, ал әр ата-ана үшін – 11,75 АЕК.
2025 жылы шегерім қолданған азаматтар 2026 жылдың 15 қыркүйегіне дейін кірістер мен мүлік туралы декларация тапсырып, құжаттармен дәлелденген нақты шегерім сомасын көрсетуге және ЖТС-ты қайта есептеуге міндетті.
Сонымен қатар, 2025 жылдан бастап азаматтар азаматтық-құқықтық сипаттағы шарттар (АКШ) бойынша көрсетілген қызметтерден немесе орындалған жұмыстардан түскен табыстан әлеуметтік аударымдарды шегерім ретінде пайдалана алады.