+7 (707) 350 02 20
2025 жылғы 15 шілдеден бастап қолданыстағы Салық кодексіне енгізілген өзгерістерге сәйкес, әлеуметтік осал санаттағы азаматтардан тұрғын үй жағдайын жақсарту немесе емделуге жұмсалған біржолғы зейнетақы төлемінен (ЕПВ) ұсталған жеке табыс салығын (ЖТС) қайтаруға өтініш беру мерзімі 5 жылға дейін ұзартылды.
Бұл – 2021–2022 жылдары ЕПВ пайдаланып, бірақ түрлі себептермен өтініш бере алмағандар үшін маңызды мүмкіндік.
ЖТС қайтаруға құқығы барлар қатарына I, II, III топтағы мүгедектігі бар азаматтар, мүгедек баланың ата-анасы немесе қамқоршысы, бала асырап алушылар, жетім балаларды тәрбиелеуші ата-аналар, соғыс ардагерлері және Салық кодексінің 346-бабында көрсетілген басқа да санаттағы тұлғалар жатады.
Егер ЕПВ төлемі кезінде стандартты салық шегерімдері (882 АЕК шегінде) қолданылмаған болса, азаматтар БЖЗҚ филиалына тиісті өтініш пен растайтын құжаттарды тапсыруы қажет. Қайта есептеу жүргізілгеннен кейін ұсталған ЖТС жеке зейнетақы шотына қайтарылады немесе кейінге қалдырылған төлем әдісі таңдалған болса, болашақ зейнетақы төлемдерінен ұсталмайды.
Бұл өзгерістер 2025 жылдың 31 желтоқсанына дейін қолданылады. 2026 жылғы 1 қаңтардан бастап жаңа Салық кодексі күшіне енеді.
Анықтама үшін: БЖЗҚ-дан төленетін зейнетақы төлемдері 10% мөлшерінде ЖТС-мен салық салынады. Салық азаматтың таңдауы бойынша не ЕПВ алу кезінде, не зейнетке шыққанда 16 жыл ішінде біркелкі бөліктермен ұсталады.