+7 (707) 350 02 20
Қазақстан Республикасы Қаржы министрлігінің Мемлекеттік кірістер комитеті салық және кеден қызметтерін алу кезінде туындайтын мәселелерге жедел әрекет ету үшін «қызыл түйме» жүйесін іске қосты. Механизм биылғы жылдың сәуір айынан бастап кеден бекеттері мен кедендік ресімдеу орталықтарында қолданылып, кері байланыс пен проблемаларды жедел шешу тұрғысынан тиімділігін дәлелдеді.
Енді барлық мемлекеттік кірістер органдарында QR-код орналастырылған. Оны сканерлеген салық төлеушілер нақты жағдайды сипаттап, Мемлекеттік кірістер комитетінің төрағасына тікелей шағымдана алады. Өтініш беру бірнеше минутты алады, қажет болса анонимді түрде жолдауға мүмкіндік бар.
Жүйе тек салық және кеден қызметтерін алу кезінде туындайтын қиындықтарды хабарлауға арналған. Ол қызметкерлер тарапынан туындауы мүмкін заңбұзушылықтар мен адал емес әрекеттердің алдын алуға бағытталған сыбайлас жемқорлыққа қарсы саясаттың бір бөлігі болып табылады.
Әрбір өтініш қысқа мерзімде қаралып, тиісті шаралар қабылданады. МКК азаматтар мен бизнес өкілдерін мемлекеттік қызметтерді алу барысында кездесетін кедергілер мен сапасыз қызмет көрсету фактілері туралы хабарлауға шақырады.