+7 (707) 350 02 20
2026 жылғы 1 қаңтардан бастап бала тууға және бала күтіміне байланысты мемлекеттік жәрдемақылардың мөлшері 10%-ға индекстелді. Төлем мөлшері тиісті қаржы жылына арналған республикалық бюджет туралы заңмен бекітілетін айлық есептік көрсеткішке (АЕК) байланысты айқындалады.
Бала тууға байланысты біржолғы жәрдемақы
Қазақстан Республикасында тұрақты тұратын азаматтарға, қандастарға, сондай-ақ шетелдіктерге бала туған, асырап алған немесе қамқоршылыққа алған жағдайда тағайындалады.
2026 жылғы мөлшері:
-
бірінші, екінші және үшінші балаға — 38 АЕК (164 350 теңге);
-
төртінші және одан кейінгі балаға — 63 АЕК (272 475 теңге).
1,5 жасқа дейінгі бала күтімі бойынша ай сайынғы жәрдемақы (жұмыс істемейтіндерге)
Баланы күтуді жүзеге асыратын және міндетті әлеуметтік сақтандыру жүйесіне қатыспайтын тұлғаларға тағайындалады.
2026 жылғы мөлшері:
-
бірінші балаға — 5,76 АЕК (24 912 теңге);
-
екінші балаға — 6,81 АЕК (29 454 теңге);
-
үшінші балаға — 7,85 АЕК (33 952 теңге);
-
төртінші және одан кейінгі балаға — 8,90 АЕК (38 493 теңге).
Жұмыс істейтін азаматтарға арналған әлеуметтік төлемдер (МӘСҚ арқылы)
Міндетті әлеуметтік сақтандыру жүйесіне қатысушыларға:
-
Жүктілікке және босануға байланысты әлеуметтік төлем
Жүктілікке және босануға байланысты демалыстың барлық күндеріне тағайындалады. Төлем мөлшері соңғы 12 айдағы орташа айлық табысқа және еңбекке жарамсыздық күндерінің санына байланысты есептеледі. -
1,5 жасқа дейінгі бала күтімі бойынша әлеуметтік төлем
Бала туған күннен бастап тағайындалады. Төлем мөлшері соңғы екі жылдағы әлеуметтік аударымдар жүргізілген орташа айлық табыстың 40%-ын құрайды. Егіз немесе одан көп бала туған жағдайда әр балаға жеке тағайындалады.